A pasada semana, as nenas e nenos de 4 e 5 anos, realizaron unha saída ao CGAI. Alí poideron visualizar dous cortos, sobre un rato pequeno, moi astuto, que foi capaz de facer que un Grúfalo non o comera.
Os nenos e as nenas estiveron moi atentos e portáronse fenomenal.
Se vos apetece tamén podedes ir á biblioteca e coller prestado o libro. Seguro que lles gusta!!
Chegamos ao final do período de adaptación. A maioría dos nenos e nenas están adaptados ao novo espazo; a aula dos Coelliños, sen embargo aínda hai algúns aos que a mañá se lles fai un pouco longa. Pouquiño a pouco, e con moito agarimo, os nenos e nenas adaptaranse totalmente á nova situación.
Durante a semana pasada traballamos as rutinas de aseo e merenda, xogamos coa cociña, tren, garaxe... Tamén pintamos e xogamos cos puzzles, saímos ao patio...
Tamén tivemos unha visita especial, Cuqui, o amigo de César que é un gato moi peculiar co que faremos moitas actividades en lingua inglexa.
Pero o que mais lles gusta aos coelliños e coelliñas e escoitar e aprender cancións: "Mi payaso juguetón", " Tengo un osito", "Sol, soliño", "Tic, tac, Tic, tac, é a hora de marchar", "Mi mono monín", "A mi mono le gusta la lechuga" e outras menos coñecidas coma "Trepsi el payaso".
O pasado venres foi un día especial para todos/as. Con motivo da celebración do Día internacional da muller traballadora, 8 de marzo, fixemos varias actividades para iniciar na reflexión deste día aos nenos e nenas de 3 anos.
Pola mañá fixemos unha asamblea onde dialogamos acerca dos traballos das mulleres... Entre todos/as recordamos algúns oficios como traballar no hospital, na peluquería, coidar aos bebés, traballar no cole, ensinar música...
Tras este grupo coloquial, fixemos uno fermoso agasallo para as familias e despois.... SORPRESA FINAL. Xunto coa clase dos "Gatiños" escoitamos un divertido conto acerca da igualdade entre homes e mulleres. O seu título O libro dos porcos de Anthony Browne.
O pasado venres , na clase dos Coelliños celebramos o día de San Valentín. Fixemos corazóns vermellos para agasallar as familias cunha bonita postal. Pasámolo moi ben.
Aquí vos deixo unhas fotiños.
Unha aperta
Ruth